வருமான வரி செலுத்துவதற்கான பதிவை இரத்துச் செய்யலாம் - இறைவரித் திணைக்களம் அறிவிப்பு
வருமான வரி செலுத்துவதற்கு பதிவு செய்திருந்த போதிலும், வரி செலுத்த வருமானம் இல்லை என்றால், வரி செலுத்துவதற்கான பதிவை ரத்துச் செய்ய வாய்ப்புள்ளதாக உள்நாட்டு இறைவரித் திணைக்களம் அறிக்கை அறிவித்துள்ளது.
இதுதொடர்பில் திணைக்களம் வெளியிட்டுள்ள அறிக்கையில் தெரிவிக்கப்பட்டுள்ளதாவது:
வரி செலுத்த போதுமான வருமானம் அல்லது இலாபம் இல்லை என்றால், அதை நிரூபிக்கக்கூடிய ஆவணங்களை வரும் நவம்பர் 30ஆம் திகதிக்கு முன் நிகழ்நிலை (online) ஊடாக திணைக்கத்திற்கு சமர்ப்பிக்க வேண்டும்.
அதன்படி, 01.04.2023 முதல் 31.03.2024 வரை அதாவது 2023/2024 மதிப்பீட்டு ஆண்டிற்கான வருமான அறிக்கைகளை அனுப்பும் வசதியை உள்நாட்டு இறைவரித் திணைக்கத்தின் இணையதளமான www.ird.gow.lk இல் காட்டப்பட்டுள்ள ஈ-சேவையை அணுகுவதன் மூலம் பெறலாம்.
இதேவேளை, உள்நாட்டு இறைவரித் திணைக்களத்தினால் வரி செலுத்துவோரை பதிவு செய்வதற்காக 2023 ஆம் ஆண்டு அறிமுகப்படுத்தப்பட்ட TIN இலக்கத்தின் கீழ் 2023/2024 ஆம் ஆண்டிற்கான வரி செலுத்த வேண்டியவர்களின் எண்ணிக்கை 8 லட்சத்து 68 ஆயிரத்து 9 பேராக அதிகரித்துள்ளது - என்றுள்ளது.
